U nda sot nga jeta në moshën 87-vjeçare Mësuesi i Merituar, Alqi Jani.
Lindi në Sheper të Zagorisë, në vitin 1933 dhe u arsimua në Gjirokastër e më pas kreu studimet e larta në Fakultetin e Historisë dhe të Filologjisë, Dega Gjuhë-Letërsi, në Tiranë.
Për dekada të tëra ka punuar si mësues dhe ka punuar në grupet e punës studimore të shkollave të mesme për hartime tekstesh dhe programesh mësimore.
Ka qenë korrespondent i ATSH-së për Jugun dhe ka marrë pjesë aktive në lëvizjen demokratike të viteve ‘90 në Gjirokastër. Po ashtu, Alqi Jani ka botuar 6 libra (monografi dhe tekste shkollore nga të cilat 1 me bashkëautor).
