Njëzet e pesë fëmijë u shpëtuan këtë mëngjes në Itali, ndërsa një autobus u përfshi nga flakët. Aksidenti ndodhi në Lecco dhe mund të kishte pasoja të rënda nëse shoferi nuk do të kishte vërejtur se diçka nuk shkonte.
Ai arriti të ndalonte dhe të nxirrte fëmijët, të ardhur nga provinca e Comos nga autobusi duke i vendosur në një vend të sigurt, para se flakët të përfshinin të gjithë mjetin.
Pesë ekipe të zjarrfikësve ndërhynë dhe shuan flakët. Shtatë nga njëzet e pesë fëmijët e shpëtuar ende janë në spital, por në gjendje të stabilizuar./m.j
