Dy automjete dhe një autobus i linjës Golem-Plepa u përplasën sot pranë hyrjes së Shtëpisë së Pushimit të Ministrisë së Mbrojtjes në zonën e “Plepave” në Durrës.
Dy persona u plagosën kur një automjet tip “Volkswagen” u përplas me autobusin dhe më pas goditi bordurën, duke dalë në kahun tjetër të rrugës ku aksidentoi edhe një automjet ne kahun e kundërt.
Përplasja ishte aq e fortë sa që i riu qe drejtonte “Volkswagen” mbeti brenda mjetit dhe u desh ndërhyrja e forcave të ushtrisë e zjarrfikësve.
Një pasagjere në autobus u plagos në kokë nga përplasja në xham dhe u dërgua në spital.
Aksidenti shkaktoi trafik në rrethrrotullimin e Plepave. Për pasojë u bllokua edhe kalimi në rrugën dytësore Plepa-Kavajë.
a.ç
