Policia e Tiranës njoftoi sot se ka ngritur akuzën “Shkelja e rregullave të qarkullimit rrugor”, për shoferin e urbanit që përfundoi në lumin Lanë mbrëmjen e të premtes në Tiranë.
Autobusi drejtohej nga 62-vjeçari Muhamet Kyçyku, i cili ka qenë duke qarkulluar në korsinë e mesit kur ka humbur kontrollin dhe nuk ka mundur dot të ndalojë.
Njoftimi nga Policia Tiranë:
Specialistët e Qarkullimit Rrugor proceduan penalisht shtetasin M. K., 62 vjeç, banues në Tiranë, për veprën penale “Shkelja e rregullave të qarkullimit rrugor”, pasi duke drejtuar mjetin tip autobus, është përplasur me mjetin me drejtues shtetasin J. R., dhe si pasojë e aksidentit, dy mjetet kanë rënë në lumin Lana.
Hetimet
Ndonëse po mendohet që autobusi i Unazës, i mbetur varur mbi lumin Lanë në mes të Tiranës të lihet si instalacion, ekspertët kanë nisur hetimin për të përcaktuar shkaqet reale që çuan në atë aksident që rrezikoi jetën e dhjetëra personave që gjendeshin brenda, pa llogaritur jetën e dy personave që ishin në mjetin që u mor zvarrë dhe përfundoi poshtë rrotave të urbanit në lumë.
g.kosovari
