Një autobus me të cilin transportoheshin nxënës është përplasur me një furgon, duke bërë që tre fëmijë të mbeten të plagosur dhe njëri nga shoferët të gjejë vdekjen.
Pak pas mesditës së sotme në aksin rrugor Fier-Vlorë, në Levan, është përplasur një fugon mallrash me një autobus që transportonte nxënës.
Nga përplasja janë dëmtuar tre nxënës dhe shoferi i fugonit, të cilët janë dërguar në spitalin e Fierit, ku pak më vonë drejtuesi i furgonit ka ndërruar jetë prej plagëve të marra.
Paraprakisht mësohet se pas marrjes së ndihmës së nevojshme tre nxënësit ndodhen jashtë rrezikut për jetën. Nuk dihen ende rrethanat e kësaj ngjarje, ndërsa uniformat blu po hetojnë për zbardhjen e shkaqeve të përplasjes.
