Shtëpia ku u lind Adol Hitleri do të shembet dhe do të zëvendësohet me një ndërtesë të re, e cila nuk do të ketë të bëjë asgjë me diktatorin nazist, ka njoftuar sot qeveria e Austrisë. Qeveria austriake ka për qëllim që të shkatërrojë këtë shtëpi me qëllim që të zhduk trashëgimin neo-naziste, e cila shpesh përdoret për pelegrinazh, njofton AP.
Plani për shkatërrimin e shtëpisë së Hitlerit tash duhet të votohet në Parlament. Por Ministria e Brendshme, ka thënë se shkatërrimi i këtij objekti është rekomanduar nga një komision i përcaktuar nga qeveria, transmeton REL. Partitë në pushtet por edhe ato në opozitë pritet që ta mbështesin këtë plan. ma.me
