Aurela Gaçe tregon herën e parë në skenë, ja si ka qenë
Ajo është një nga këngëtaret që e ka nisur herët karrierën dhe ndonëse është konsoliduar në skenë, ajo nuk harron të kthejë kokën pas nga fëmijëria dhe nga vendi ku ka nisur gjithçka.
Aurela Gaçe publikon një fotografi ku ka qenë fare e vogël në Instagram, për të treguar daljen e saj të parë në skenë. Bashkëngjitur fotografisë ajo bën edhe një përshkrim të asaj periudhe dhe përjetimeve ku shkruan:
“Vlorë, Mars 1979, (4 vjeçe e gjysmë)… Para daljes në skenë për herë të parë (Festivali i fëmijëve në Vlorë). Ky fëmija atëhere donte vetëm të kendonte. Dhe të njëjtin emocion e dëshirë kane sytë e mi edhe sot kur dalë në skenë….. Dhe emocionet më pushtojnë ditë përpara nëse këndoj në Vlorë. Kthehem në kujtime… provat, muajt që largohesha nga shtëpia në Llakatund (çdo vit), kushërinjtë e mi që hapnin dyert e kujdeseshin për këtë fëmijën që shpesh nuk bindej, kujdesin që tregonin duke më çuar e marrë nga provat, momentin e marrjes së kësaj fotoje p.sh., duket çudi por e mbaj mend. Vajza e xhaxhait tim, Liljana, ajo pa diçka ndryshe tek unë si fëmijë dhe guxoi të më paraqiste përballë kompozitorit, profesorit, këngëtarit të trios vlonjate, Reshat Osmanit. …. Dhe ja kështu filloi rrugëtimi i këtij fëmijës që kur del në skenë, gëzon, kërcen, këndon si ai fëmija me lodrat e tij që nuk mendon… por vetëm luan, pa paragjykuar veten ose lodrat. Vlora, qyteti që më rrite, sot mezi po pres t’ju bëj të ndiheni krenarë për fëmijën tuaj”
