Në një audio të publikuar nga mediat turke, dëgjohet një dialog dramatik mes shefit të policisë së Stambollit, Mustafa Caliskan dhe ushtarakëve që drejtonin grushtin e shtetit.
Caliskan dëgjohet duke thënë ndër të tjera: “Po të flas si vëlla, do të derdhësh gjakun e policisë turke? Se ne do të bëjmë detyrën tonë”
Shefi i policisë më tej i bën thirrje ushtarëve që të mos zbatojnë urdhërat e organizatorëve të puçit. Nga ana tjetër edhe ushtria i bën thirrje policisë që të dorëzohet, por shefi i policisë së Stambollit përgjigjet prerë: “Nuk do të lëshojmë asnjë centimetër”.
Audiot publikohen ndërkohë që po shtohen zërat që akuzojnë Erdoganin për inskenim të grushtit të shtetit.
