Qytetarët e Prishtinës po i shijojnë orët e fundit të vitit 2024 në sheshet e kryeqytetit në atmosferën magjike të festave të fundvitit.
Në tri sheshe të ndryshme gjatë gjithë muajit kishte performanca të ndryshme ku secili e ka gjetur veten në shesh, qoftë fëmijët, familjarët apo edhe të rinjtë.
Derisa një natë më parë atmosferën në kryeqytet e ndezën Ledri Vula dhe Era Istrefi, natën e sotme i është dhënë hapësirë bendeve të reja.
Të kënaqur më atmosferën në kryeqytet janë shprehur edhe qytetarët si dhe turistët.
“Unë jam këtu vetëm për vizitë për vitin e ri, vij nga Turqia. Më pëlqen Prishtina, atmosfera këtu fantastike ndërsa kemi rezervuar që ndërrimin e viteve ta kalojmë në një restorant”.
Performancat do të vazhdojnë edhe gjatë javës me Kidën, Elinel, Cozman, Ermal Fejzullahun, Capital T etj.
