Ish-anëtari i Këshillit Kombëtar të Partisë Demokratike, Edvin Kulluri i ka konsideruar zgjedhjet për kreun e ri të partisë si atmosferë dramatike dhe mungesë totale optimizmi. Ai e krahason me 13 qershorin ditën kur Lulzim Basha kërkoi të rizgjidhej në krye të PD. Përmes një statusi në Facebook, Kulluri shkruan se pjesëmarrja në zgjedhje ishte e ulët dhe se atmosfera ishte demokratike.
“Ashtu siç pritej dhe e kam konstatuar prej muajsh, situata në Partine Demokratike mbetet po aq e rëndë sa përpara 9 shtatorit 2021. Sot në orën 11”15 shkova të votoj për kandidatet për kryetar të PDSH pranë qendrës se votimit ne degën nr. 2, Tirane. Me keqardhje konstatova se krejt ndryshe nga Referendumi i 18 dhjetorit, pjesëmarrja ne votime ishte shume e ulet. Ne 18 dhjetor ashtu siç edhe mediat disponojnë pamjet filmike, radha e votuesve ne pritje për të votuar ishte e gjatë. Sot, ishte e njëjta situate si në 13 qershor kur Basha kërkoi të zgjidhej pas 4 zgjedhjesh të humbura! Serish pas 1 viti, atmosfera është dramatike. Mungesë totale optimizmi, indiferencë dhe zhgënjim”, shkruan Kulluri.
Ai shkruan në rrjetin sociale se PD nuk po del nga kriza që e ka prekur që nga 2017. Më tej ai shton se Berisha dhe Komisioni i Rithemelimit përdorën qëllimisht Kuvendin e 11 dhjetorit dhe referendumin e 18 dhjetorit për qëllimet e tyre. Gjithashtu ai shpresoi që mos ketë manipulime me votat.
“Për arsye qe i kam thënë e stërthënë me vite e muaj të tere, PD nuk po del dot nga kriza e thelle politike qe e ka pushtuar të paktën qe nga viti 2017! Leximi i keq qëllimisht apo jo qëllimisht qe ju bë Kuvendit të 11 dhjetorit dhe Referendumit të 18 dhjetorit nga zoti Berisha dhe Komisioni i Rithemelimit na çoi në rezultatin e 6 marsit dhe zgjedhjet e sotme! Uroj qëë Komisioni Elektoral mos të beje të njëjtën gjë si ne 13 qershor, ku u mbushën kutitë e votimit duke manipuluar hapur zgjedhjet për kryetar të PDSH”, ka shkruar Kulluri.
/a.r
