Atletico Nacional, klubi kolumbian, ka lëshuar një komunikatë për media pas tragjedisë që i ndodhi ekipit brazilian, Chapecoense.
Klubi kolumbian, Atletico Nacional, që është finalist i Copa Sudamericana, ka kërkuar nga Konfederata e Futbollit të Amerikës Jugore (Conmebol) që ky titull të shkojë për klubin brazilian, Chapecoense pas tragjedisë që i ndodhi këtij ekipi, përcjell Express.
“Pasi që jemi shqetësuar shuma për pjesën humane, ne po ashtu kemi menduar edhe për aspektin garues dhe dëshirojmë që ta lëshojmë këtë komunikata, në të cilën Atleticio National e fton Conmebol që t’ia dhurojë titullin e Kupës së Amerikës Jugore skuadrës së Chapecoense, për nder të humbjes së madhe dhe si homazhe postume për viktimat e aksidentit fatal për të cilin sporti ynë tani mban zi.
Për ne dhe përgjithmonë, Chapecoense: Kampione e Kupës së Amerikës Jugore 2016”, thuhet në njoftimin e klubit
77 persona humbën jetën në përplasjen e aeroplanit në afërsi të qytetit Medellin të Kolumbisë, me të cilin po udhëtonte ekipi brazilian i futbollit, Chapecoense. (b.an)
