Një autokolonë e gjatë me automjete të blinduara amerikane mbërriti sot në Poloni, një prej dislokimeve më të mëdha të forcave amerikane në Evropë prej Luftës së Ftohtë, operacion i denoncuar gjithsesi nga ana e Moskës.
Prania me rotacion e njësisë në fjalë në Poloni, por gjithashtu në vendet balltike, Hungaria, Rumania dhe Bullgaria duhet të forcojnë sigurinë në rajon, nën shqetësimin e qëndrimit të Rusisë.
“Autokolona përfshin 24 automjete të blinduara “Humvee” dhe dhjetëra kamionë u pritën në kufirin gjermano-polak nga ana e ushtarëve polakë”, bëri të ditur media.
Bëhet fjalë për transportin e parë të ushtarëve amerikanë dhe të pajisjeve ushtarake të rënda, mbërritur në Evropën Lindore në kuadër të operacionit “Atlantic Resolve” një vendim i dekretuar nga presidenti në ikje, Barack Obama.
