Athina, notë proteste për shembjen Kishës së Dhërmiut
Greqia i ka dërguar një notë proteste ambasadorit shqiptar në Athinë, pas prishjes së Kishës Ortodokse në Dhërmi. Siç shkruan e përditshmja greke Kathimerini, një ankesë zyrtare për këtë çësthje, ministria e jashtme greke i ka dërguar edhe Komisionit Europian dhe Këshillit të Europës.
Athina gjithashtu ka informuar Berlinin dhe Uashingtonin, për kundërshtitë e saj lidhur me prishjen e Kishës së Shën Thanasit në Dhërmi.
Më herët, përmes një komunikate për shtyp, zëdhënësi i ministrisë së jashtme greke e krahasoi prishjen e kësaj kishte me aktet e ndërmarra nga xhihadistët në vendet e Lindjes së Mesme, Afrikës e Azisë.
Kathimerini përmend faktin se sipas arsyetimit të autoriteteve shqiptare, kisha u prish për t’i hapur rrugë gërmimeve në atë vend, për gjetjen një varri të shekullit të 17. Varri i përket misionarit katolik Nino Katalano.
