Detaje te reja pas ngjarjes se mbremshme ne Vlore, ku një 36-vjeçar, ish-i dënuar për vrasje, u plagos me armë zjarri ne mbremje, teksa po qëndronte në ballkonin e banesës së tij.
Ngjarja, që fillimisht u raportua si sulm me eksploziv, por më vonë rezultoi atentat me armë zjarri, ndodhi në lagjen “10 Korriku” të Vlorës.
Burime nga Policia bën me dije panorama, thanë se i plagosuri është Eljus Thartori, i dënuar me 10 vite burg, dënim që nuk e kishte penguar që të bëhej mësues fizkulture në një shkollë 9-vjeçare. Të njëjtat burime thanë se 36-vjeçari Thartori është dërguar në spitalin e Vlorës, nderkohe qe me pas u dergua ne Tirane.
Ai ka thene vetem se “me plasi celulari ne dore”, nderkohe qe ne trup i jane gjetur copeza metali.
Dyshohet se atentatorët kanë përdorur shpërthimin për ta nxerrë me pas Thartorin nga banesa në mënyrë që ta kishin objektiv të sulmit me armë.
Ne vendngjarje është ngritur grupi hetimor me oficerë të Krimeve kundër Jetës dhe ekspertë kriminalistë, që kanë bërë këqyrjen e vendit ku mbeti i plagosur Eljus Thartori, si dhe kanë marrë dëshmitë e para.
Ndërsa në zona të ndryshme të qytetit janë ngritur pika kontrolli për të rënë në gjurmët e autorëve që mendohet se kanë lëvizur me një makinë. Deri në orët e vona të mbrëmjes, Policia nuk kishte persona të identifikuar për krimin. Megjithatë, pati dhjetëra të shoqëruar si persona që mund të kenë dijeni për ngjarjen, dëshmitarë, por edhe persona me të shkuar kriminale në qytetin e Vlorës.
Eljus Thartori ka qenë mësues i edukimit fizik të shkollës 9- vjeçare “Teli Ndini” në Vlorë, ndonëse ka qenë i dënuar për vrasje, por Drejtoria Arsimore e Vlorës nuk ka verifikuar dokumentacionin e tij dhe as i ka kërkuar që të sjellë dëshminë e penalitetit, duke mos e penguar atë që të japë mësim për 8 vite.
Rasti i tij u bë i njohur dy vite më parë në një emision investigativ, kur ai u filmua duke luajtur me letra në klasë me nxënësit dhe i mësonte ata që të ofendonin drejtoreshën e shkollës. Por pas publikimit të rastit, Drejtoria Arsimore e shkarkoi atë nga detyra.
g.kosovari
