Megjithëse territori i Krujës i kaloi drejtorisë së Policisë së Tiranës ku supozohet të jenë hetuesit me performancën më të mirë në zbardhjen e ngjarjeve, për vrasjen e fundit, hetimet janë në udhëkryq pasi nuk ka asnjë person të dyshuar.
Por grupi hetimor mendon se atentati lidhet me ekzekutimin e tre të rinjve në mbikalimin e Fushë-Krujes, afro një vit më parë, Brilant Martinajt, Dikler Vatës dhe Besmir Hoxhës. Hetuesit dyshojnë se Gentjan Bejtja mund të jetë i përfshirë si informator në vrasjen e trefishtë.
Mendohet se atentatorët janë të njëjtët persona kjo nisur nga fakti se i gjithë krimi është filmuar nga kamerat e sigurisë së vetë banesës së 42-vjecarit, por edhe nga mënyra se si kanë qëlluar në një automjet me fëmijë, ashtu siç ndodhi në marsin e këtij viti ku u vra një e grua pafajshme.
Për vendndodhjen e tij policia ka marrë informacione në rrugë operative se fshihet në Laç, megjithatë nuk janë bërë kontrolle.
42-vjeçari, pas tentativave për ta vrarë, kërkoi azil në Norvegji e Suedi, kërkesa të cilat iu refuzuan.
/f.stafa
