Drejtori i Policisë Vendore të Lezhës, Arben Nasufi, ka shkuara në vendin e ngjarjes ku ndodhi atentati në Balldren të Lezhës, ku viktimë mbeti çifti i bashkëshortëve.
Gjatë një prononcimi për mediat, Nasufi ka dhënë detaje mbi ngjarjen e rëndë.
Sipas tij, atentati ka ndodhur rreth orës 14:50, ku mjeti tij Audi u qëllua me breshëri plumbash gjatë lëvizjes. Si pasojë, bëri të ditur ai, kanë humbur jetën një burrë dhe një grua, të cilët ndodheshin brenda mjetit.
“Rreth orës 14:50 minuta në sallë erdhi njoftimi për të shtëna me armë në zonën e fshatit Balldren. Policia erdhi në vendngjarje dhe është konstatuar se gjatë lëvizjes mjeti është qëlluar me breshëri me armë dhe kanë humbur jetën një burrë dhe një grua. Akti është i rëndë dhe është ngritur grupi hetimor ku po fiksohet çdo provë në vendin e ngjarjes për zbardhjen e të gjithë dinamikës dhe kapjen e autorëve”, tha drejtori i policisë Lezhë.
