Një atentat i tipit mafioz tronditi vendin teksa dy persona mbetën të vdekur mesditën e së martës në autostradën Tiranë-Durrës. Shtetasit Ervin Dalipaj dhe Juxhin Dautaj mbetën të vdekur pasi ndaj tyre hapën zjarr me breshëri armësh teksa ata ndodheshin duke udhëtuar me një automjet tip Audi.
Ish-polici Dalipaj akuzohet për vrasjen e Gazmend Çollakut. Ndërkohë, Java News ka mësuar se edhe personi tjetër, shtetasi Juxhin Dauti rezulton i skeduar nga policia. Ai u akuzua për vrasjen e një personi në 17 Mars të vitit 2012 në Vlorë. Sipas të dhënave Dautaj u akuzua se ka vrarë shtetasin Fatjon Bani, të cilin e kishte shok pas një konflikti të çastit.
Por Dautaj u shpall i pafajshëm nga gjykata për këtë akuzë.
Ngjarja
Në 17 Mars të vitit 2012, në Vlorë u ekzekutua me 3 plumba në makinën e tij shtetasi Fajton Bani. Ai është dërguar ugjent në spital por gjëndja e tij shëndetësore ishte tepër e rëndë dhe mjekët nuk kanë mundur t’i shpëtojnë jetën.
“Policia e Vlorës njoftoi aso kohe se arriti të identifikojë autorin e ngjarjes dhe shpalli në kërkim shtetasin Juxhin, 21 vjeç, banues në lagjen “Hajro Cakërri”, i dënuar më parë për armëmbajtje pa leje. Gjithashtu nga hetimet e kryera ka rezultuar se ngjarja ka ndodhur pas një grindje të çastit dhe se viktima dhe autori kanë qënë në marrëdhënie shoqërore me njëri-tjetrin”, aportonte policia aso kohe.
Pasi u arrestua për ngjarjen në fjalë, Dautaj u shpall i pafajshëm nga gjykata./JavaNews/a.m.
