Dy shqiptarë kanë rënë pre e një atentati të ndodhur mesditën e kësaj të diele në Athinë jashtë një kafeneje në zonën e Thrakomakedones.
Raportohet se viktima është Irakli Davella nga zona e Sarandës dhe i plagosuri është Edi Lolo.
Mësohet se është hapur zjarr nga një automjet i bardhë i vjedhur në mëngjes në zonën e Patisias në Athinë.
Viktima ka ndërruar jetën në vend, ndërsa i plagosuri është më gjendje të rëndë pasi ka marrë plagë në kokë e bark.
Policia ndodhet në vendin e ngjarjes dhe ka nisur hetimet. Ndërkaq dyshohet edhe për një të plagosur të dytë.
