Julian Shorja, personi që u arrestua ditën e martë bashkë me të fejuarën e tij Riviola Toma, ka pranuar se ishte paguar për të kryer vrasjen e një emigranti shqiptar, që sapo ishte kthyer në Tiranë.
Ai ka thënë se ka marrë 10 mijë euro për vrasjen. Shorja është përzgjedhur, pasi kishte njohje me emigrantin që do të vritej.
Atij i ishte kërkuar që atentati të bëhej me eksploziv, për të qenë e vështirë që vrasja të zbardhej. Për vrasjen në fjalë, Shorja ka qenë gati të përdorë edhe të fejuarën e tij, e cila kishte si detyre të joshte objektivin e krimit.
Policia tashmë është vënë në kërkim të porositësit të vrasësit, identiteti i të cilit nuk bëhet i ditur.
