Dy persona që dyshohet të ishin pjesë e atentatit të dështuar janë arrestuar nga policia. Bëhet me dije se njëri është Arben Spahiu, kunati i Erjon Alibej dhe tjetri është Arsen Preci.
Burime për Report Tv bëjnë me dije se shënjestër e atentatit që dështoi dje ishte Elton Kila i njohur si ‘Oti i Elbasanit’. Është të paktën e katërta herë që dështojnë atentatet mafioze ndaj tij.
Makina ishte fshehur në një magazine të braktisur, afër shtëpisë së Erion Alibej, një person shumë i njohur i institucioneve ligjzbatuese. Shtëpia e Arsen Preçit ndodhej vetëm 20 metra larg vendit ku u gjet makina BMW X6.
Emri i “Otit” doli së fundmi edhe në dëshminë e të penduarit të drejtësisë Henrik Hoxhaj, i cili rrëfeu para hetuesve se bashkëpunëtori i tij Nuredin Dumani i kishte premtuar 70.000 euro për vrasjen e Kilës, pasi i kishte dërguar foton e tij.
/s.f
