Gjykata e Fierit ka caktuar masën e sigurisë “arrest me burg” për njërin prej 4 personave të akuzuar për atentatin në aksin rrugor Fier-Lushnje, ku mbeti i vrarë Denis Kasa dhe u plagosën dy miqte e tij Elton Margariti e Klement Kastrati.
Shtetasi Ilir Memushaj, i prangosur nga policia pak orë pas atentatit akuzohet për bashkëpunim në krimin e rëndë të 4 ditëve më parë.
Provat e paraqitura nga prokuroria ishin bindëse për gjykatën e cila vendosi të izolojë në burg shtetasin Ilir Memushaj, i cili ga ana e tij mohoi në mënyrë kategorike të ketë pasur idhje me ngjarjen.
Aktualsiht, uniformat blu po punojnë për lokalizimin dhe prangosjen e 3 personave të tjerë të cilët morën pjesë në këtë atentat.
Denis Kasa dhe dy shokët e tij u qëlluan brenda në automjet pranë një rrethrrotullimi, ku udhëtonin me shpejtësi të ulët.
Më pas autorët i vunë zjarrin makinës së tyre dhe asaj të viktimës.
Sipas të dhënave, dyshohet se mes dy palëve ka pasur shkëmbim zjarri.
Objektiv i atentatit ishte i plagosuri Klement Kastrati, dhe dyshohet se ngjarja erdhi pas disa konflikteve të tij në Holandë për pazaret në trafikun e drogës.
