Vrasja e Elidon Mehmetit me 15 plumba mbrëmjen e djeshme në Vlorë dhe atentati ndaj Bashkim Brahimajt po në Vlorë, duket se kanë lidhje me njëra-tjetrën si ngjarje.
Kjo për faktin se djali i xhaxhit të Elidon Mehmetit, Ilir Mehmeti është arrestuar në shkurt të 2011-ës bashkë me Isuf Brahimajn, vëllai e Bashkim Brahimajt.
Të dy janë arrestuar pasi kishin krijuar një organizatë që merrej me shitjen e drogës në Leçe. Atyre iu është gjetur në atë kohë 300 kg marijuanë dhe 10 kg heroinë dhe i gjithë grupi përbëhej nga 21 persona.
Në vitin 2014-të është vrarë Isuf Brahimi, ndërkohë që ndaj vëllait të tij është bërë 3 herë atentat me eksploziv.
Policia po heton pistën e prishjeve të pazareve të drogës si shkak të këtyre vrasjeve të njëpasnjëshme që kanë ndodhur në qytetin bregdetarë.
Mbrëmjen e djeshme është vrarë Elidon Mehmeti dhe po gjatë natës i është vendosur eksploziv Bashkim Brahimit.
Policia dhe Prokuroria po i hetojnë ngjarjet të ndara nga njëra-tjetra, por nuk përjashtohet mundësia që të dy atentatet të kenë lidhje.
Pavarësisht se është marrë në pyetje, Bashkim Brahimi nuk ka treguar emra, se kush mund të jenë personat që i kanë vendosur eksploziv.
E njëjta gjë ka ndodhur edhe me familjarët e Elidon Mehmetit të cilët kanë thënë në Polici se nuk kanë konflikte./shqiptarja.com
c.a
