Një shtetas shqiptar nga Durrësi ishte objektiv i një atentati në Itali. Sipas mediave italiane është plagosur shtetasi S. R., 22 vjeç, i cili është qëlluar në këmbë. I riu jetonte në Toirano, ndërsa është i bërë pritë në zonën Olivette, ku është qëlluar me disa plumba.
Menjëherë pas atentatit autorët janë larguar, ndërsa i riu shqiptar ka arritur të futet në një dyqan cigaresh, duke kërkuar ndihmë nga shitësi, dhe duke i shpëtuar breshërisë së plumbave.
“Ndjeva një goditje të fortë në këmbë, më qëlluan nga pas”, ishin fjalët e para të të riut, pasi iu nënshtrua një ndërhyrjeje kirurgjikale. Ndërkohë, policia ka nisur hetimet për identifikimin e autorëve dhe zbardhjen e dinamikës së ngjarjes./a.m.
