Vlora nuk mund të quhet ende një qytet i qetë. Një atentat me armë zjarri ka tronditur mbrëmjen e sotme qytetin e Vlorës, ku janë shënuar tre të plagosur.
Ngjarja ka ndodhur rreth orës 22:05, në zonën e ambulancës, ku një person ka qëlluar me armë zjarri drejt një lokali. Për pasojë kanë mbetur 3 shtetas, dy prej tyre në këmbë, tjetri në njërin krah. Të plagosurit janë M.Sh., 20 vjeç, Zh.Sh., 24 vjeç, dhe F.K., 18 vjeç, që të tre banues në Vlorë.
Ata janë dërguar me urgjencë në spitalin rajonal dhe ndodhen jashtë rrezikut për jetën. Nga hetimet paraprake mësohet se ngjarja ka ndodhur për motive të dobëta.
Policia e mbërritur në vendin e ngjarjes ka identifikuar autorin, i cili është larguar nga skena e krimit, dhe po punon për kapjen e tij. Njoftimi është dhënë nga Drejtoria e Policisë, cituar nga Express (b.an)
