Atentat mafioz në qytetin e Vlorës në oret e darkës. Mësohet se një 39 vjeçar është qëlluar me pistoletë me silenciator por ka arritur t’i shpëtojë një atentati. Armando Sulejmani ka mbetur i plagosur në hyrje të pallatit ku jeton.
Ngjarja ka ndodhur mbrëmjen e sotme në lagjen “Pavarësia”. Informacionet nga Vlora thonë se ndaj tij është qëlluar me armë silenciator nga dy persona ende të paidentifikuar. I plagosuri ndodhet në spitalin e Vlorës, ku po merr ndihmen mjekësore. Policia e mbërritur në vendngjarje ka nisur hetimet për zbardhjen e ngjarjes
Mesohet gjithashtu se Sulejmani kishte dale nga burgu pak kohë më parë.
