Të shtëna me armë zjarri kanë tronditur kryeqytetin. Një 26-vjeçar është plagosur rëndë nga një atentat me armë zjarri që kanë ndodhur në orët e drekës .
Sipas policisë, i plagosuri është shtetasi me inicialet Xhevair .Sh, 26 vjeç, nga Miloti. Ndaj tij është qëlluar me armë zjarri nga një person që udhëtonte me një motoçikletë teksa i riu ndodhej në automjetin e tij në rrugën “Hoxha Tahsim”.
Si pasojë e plumbave të shkrepura në drejtim të tij, 26-vjeçari ka mbetur i plagosur rëndë. Ai është shoqëruar mënjeherë drejt spitalit për të marrë ndihmën e parë mjekësore, ndërkohë që policia ka nisur hetimet për zbardhjen e shkaqeve dhe autorësisë së ngjarjes.
Automjeti tip “Golf Seria 6” me targa W6250 SH nuk ka qenë në lëvizje në momentin që është qëlluar, ndërsa dyshohet se objektiv ka qenë jo drejtuesi i mjetit por pasagjeri i tij.
