Një 34-vjeçar ka denoncuar sot në Policinë e Lezhës, se teksa ka qenë duke udhëtuar me automjetin e tij është bërë një atentat. Policia njofton se 34-vjeçari me iniciale A.Gj, ka qenë duke drejtuar mjetin tip kamionçinë dhe në drejtim të tij është qëlluar me armë zjarri.
Fatmirësisht plumbat nuk e kanë kapur, por ka vetëm dëmtime të vogla në makinë. Pas njoftimit policia ka shkuar menjëherë në vendin e ngjarjes dhe po punon për zbardhjen e saj si dhe identifikimin e autorëve.
Deri tani janë shoqëruar në Komisariatin e Policisë Kurbin disa perona që mund të kenë dijeni për ngjarjen, si dhe janë sekuestruar pamje filmike.
Gjithashtu, janë ngritur pika kontrolli në hyrje-dalje, më qëllim kapjen e autorëve.
/a.r
