Atentat me armë zjarri në zonën e ish Bllokut, plagoset 31-vjeçari

Një 31-vjeçar është plagosur me armë zjarri këtë të shtunë në zonën e ish-Bllokut në kryqytet. Ngjarja ka ndodhur rreth orës 04:35 të mëngjesit të sotëm. Burime për Report Tv bëjnë me dije se Artur Aligjoni është plagosur në pjesën e kofshës. I riu është transportuar menjëherë në Spitalin e Traumës ku ndodhet jashtë rrezikut për jetën. Grupi hetimor po punon për identifikimin e autorëve të kësaj vepre kriminale.