Portieri i Shqipërisë, Etrit Berisha pritet të mbetet në stolin e rezervave edhe te skuadra e re, Atlanata. Portieri i kombëtares shqiptare, Etrit Berisha, duket se ka shumë punë përpara për të bërë në mënyrë që të fitojë vendin e titullarit te skuadra e re, Atalanta.
Edhe pse ai u largua nga Lazio pikërisht për të qenë titullar, diçka e tillë nuk ka për të qenë e lehtë as te Atalanta. Gazeta lokale “Corriere di Bergamo” ka konfirmuar se trajneri Gasperini nuk ka dyshime për portierin titullar në ndeshjen e së dielës ndaj Torinos.
Sipas saj, portieri italian Sportielo është i konfirmuar për ta filluar takimin nga minuta e parë ndërsa përforcimi i ri, Berisha, do të ulet në stol.
Ndoshta ky vendim vjen për shkak se Berishës i duhet pak kohë sa të njihet me skuadrën e re, por ndoshta edhe Gasperini kërkon ta vëzhgojë nga afër në stërvitje shqiptarin për t’u bindur që duhet t’i besojë atij mbrojtjen e portës së skuadrës, citohet Express. (b.an)
