At Nikolla Marku, prifti i kishës Ortodokse “Shën Mëria” në Elbasan i ka dërguar një letër të hapur krerëve të shtetit për Kryepeshkopin Anastas Janullatos.
Në letrën e bërë publike, drejtuar Presidentit të Republikës, Bujar Nishani, kryeministrit Edi Rama, kreut të Kuvendit, Ilir Meta, kreut të Komisionit të Sigurisë, Spartak Braho dhe kryeprokurorit, Adriatik Llalla, At Nikolla Marku ka kërkuar që kryepeshkopi ortodoks të hetohet dhe të gjykohet.
Sipas Markut, Janullatos ka shkelur sovranitetin territorial si dhe traditën historike kishtare.
“Janullatos ka shkelur traditën historike kishtare. Ka ndërhyrë në historinë e vërtetë të Shqipërisë. Ai ka bashkëpunuar me Agimin e Artë dhe bënë propagandë për Vorio Epirin”, theksohet në letrën e At Nkolla Markut. Ndër të tjera Marku deklaroi se ka financime të dyshimta për ndërtimin e kishave.
