Austronauti i ‘Apollo 14’, Edgar Mitchell ishte i gjashti person që shkeli në Hënë. Që atëherë, ai ka qenë një udhëheqës në komunitetin e zbulimeve të UFO-ve dhe ka deklaruar se është i vetëdijshëm për shumë takime me jashtëtokësorët.
Në një intervistë, Dr Mitchell thotë se UFO-t u përpoqën të prishnin testet e armëve atomike pas Luftës së Dytë Botërore, për të parandaluar SHBA-në, që të niste një luftë bërthamore me Rusinë. Mitchell thotë se në bazat ushtarake të stacionuara në White Sands, gjatë testit ka parë UFO-t.
Ata u vunë re gjithashtu në baza të tjera të Forcave Ajrore, që përgatiteshin për luftën bërthamore. Oficerët i thanë atij se UFO-t nuk ishin atje vetëm për të vëzhguar. “Unë kam folur me shumë oficerë të Forcave Ajrore, të cilët kanë punuar në këto kapanone gjatë Luftës së Ftohtë. Ata më thanë se UFO-t janë parë shpesh lart dhe kanë sulmuar raketat e tyre. Oficerë të tjerë nga bazat në brigjet e Paqësorit, më thanë se gjatë testimeve, raketat ajrore janë sulmuar nga anijet aliene”, rrëfen Edgar Mitchell.
