Aston Martin e përdorur në filmin 007 Specter është gati të dalë në ankand në muajin shkurt, me një vlerë aspak të vogël. Çmimi i makinës së Bond do të nisë me 1, 3 mln euro dhe pritet që në ankand pjesëmarrja të jetë e rezervuar vetëm për të ftuarit e veçantë, teksa publiku do të marrë pjesë online.
Aston Martin DB10 e përdorur në xhirimet e filmit është një nga dhjetë ekzemplarët e realizuar pikërisht për xhirimet e tij.
Brenda ajo është e gjitha e punuar me dorë, ndërsa baza mekanike e makinës është V8 Vantage dhe është i njëjti ekzemplarë i ekspozuar në Royal Albert Hall në Londër, për premierën e filmit. Të gjitha të ardhurat nga shitja e makinës do të përdoren për bamirësi, duke ju dhënë organizatave ndërkombëtare, mes tyre edhe ‘Mjekëve pa kufij’.