Një objekt qiellor, asteroid apo kometë, ka goditur Jupiterin. Natyra e objektit që ka goditur planetin më të madh të Sistemit Diellor nuk është e qartë, por momenti është filmuar më 17 mars nga një astronom amator, Gerrit Kernbauer, me teleskopin e tij 20 cm, nga Mödling, në Austri.
Ngjarja është konfirmuar edhe nga një tjetër vëzhgues, këtë herë nga Irlanda, nga John McKeon. Edhe ora e ngjarjes përputhet me atë të austriakut, çka nuk lë dyshime për goditjen.
Për Jupiterin nuk bëhet fjalë për diçka të rrallë, masa e tij tërheq një numër të madh objektesh qiellorë, midis tyre asteoridë e kometa.
