Presidenti Bachar al-Assad konfirmoi se sulmi i dyshuar kimik ndaj një qyteti rebel në Siri ishte totalisht i sajuar dhe shërbeu si “pretekst” për të justifikuar sulmet amerikane kundër ushtrisë së tij, në një intervistë ekskluzive dhënë sot për median në Damask.
“Bëhet fjalë për një sajesë”, deklaroi Assad në intervistën e parë pas sulmit të dyshuar kimik në Khan Cheikhoun, në provincën e Idlebit (veri-perëndim) dhe kundërpërgjigjes së palës amerikane.
“Përshtypja jonë është se Perëndimi, kryesisht SHBA është bashkëpunëtore me terroristët, duke trilluar gjithë këtë histori si formë preteksti ndaj sulmit amerikan të 7 prillit kundër një baze ajrore në qendër të vendit”, shtoi Assad.
Perëndimorët fajësuan regjimin e Assadit për sulmin e dyshuar kimik, në formë shpagimi SHBA ndërmori sulmet e para ajrore kundër një baze ushtarke të regjimit sirian që prej fillimit të konfliktit gjashtë vite më parë./b.d
