Faustino Asprilla ka kritikuar Real Madridin me mënyrën se si janë duke u sjell me James Rodriguezin. Legjenda e Kolumbisë, Faustino Asprilla ka thënë se Real Madrid e ka transferuar James Rodriguezin sepse di të shënoj gola dhe të dhuroi asistime.
Ai insiston se James nuk mund të luaj në krah dhe nuk mund të fitojë topa në mesfushë sikurse Casemiro. “Reali e bleu Jamesin sepse shënoi në Kupën e Botës, sepse mund të shënoi gola, sepse është në gjendje të shënoi dhe asistoi gola”, tha Aspirilla për ESPN.
“Ju duhet të luani ku ai luan më mirë. James nuk është anësor, çka po prisni nga ai? Ai nuk mund të rikuperojë topa aq sa edhe kampioni i quajtur Casemiro. Është shumë e thjeshtë, ju nuk mund të kërkoni diçka të tillë nga një futbollist si James”.
Kujtojmë se James është shumë pranë largimit nga Real Madrid dhe thuhet se tashmë ka kontratë me Manchester Unitedin, pwrgatiti “Express”. (b.an)
