Byroja e Kuvendit ka vendosur përjashtimin e deputetit të PD Flamur Noka me 10 ditë nga punimet e Kuvendit. Pas këtij vendimi, Noka humbet pjesëmarrjen në Komisionin e Sigurisë ku është anëtar si dhe në seancën e nesërme dhe atë të javës së ardhshme.
Vendimi erdhi pas shqyrtimit të kërkesës së paraqitur nga një grup i deputetëve të PS. Kërkesa e tyre lidhej me fyerjet e deputetit Noka në Parlament ndaj kryeministrit Rama.
Sa i takon votave në Byro, vendimi u mor me 5 vota pro dhe 3 kundër përjashtimit. LSI u bashkua me PD duke votuar kundër përjashtimit të Nokës.
Ndërkohë, më herët u rrëzua kërkesa e PD-LSI për përjashtimin e kryeministrit Rama nga punimet e Kuvendit. Pretendimet e opozitës lidhen me fyerjet që sipas saj Rama i bëri Berishës./a.m.
