Raportuesi për Shqipërinë në Parlamentin Evropian Knut Fleckenstein ka shpërndarë një mesazn në facebook pas vizitës që zhvilloi në Shqipëri. Ai ka dhënë edhe një përgjigje të prerë rrreth deklaratave të ndryshme se BE sjell kushte të reja sa herë Shqipëria përmbush të paracaktuarat.
“Asnjë kusht shtesë!”, e nis postimin e tij në facebook Fleckenstein.
Ai thotë se ky është thelbi i mesazhit që i dha udhëheqësve politik në Shqipëri, duke filluar nga presidenti Meta, kryetarit të Kuvendit, kryeministrit, udhëheqësve të partive parlamentare, ministrave si dhe ambasadorëve.
“Nëse reformat në vend vijojnë të ndiqen rigorozisht, negociatat e pranimit të Shqipërisë duhet të happen në gjysmën e parë të 2018-ës. Njerëzit në Shqipëri shrpesojnë dhe e meritojnë. Kohëzgjatja e negociatave varet nga zbatimi i shumë reformave, por njerëzit do të shohin: ne në BE duam të bëjmë përparim”, shkruan Fleckenstein.
Mesazhi i plotë:
“Asnjë kusht shtesë!” Ky ishte mesazhi im, të cilin e lashë kur vizitova Shqipërinë si raportues për Parlamentin Evropian.
Në diskutimet me presidentin e Republikës, me kryetarin e parlamentit, me kryetarët e grupeve politike dhe ministrat për çështjet e Brendshme dhe Drejtësinë, si dhe me ambasadorët e shteteve anëtare të BE-së.
Nëse reformat në vend vazhdojnë, negociatat e pranimit duhet të hapen në gjysmën e parë të vitit 2018.
Njerëzit në Shqipëri shpresojnë për të dhe e meritojnë atë. Hapja e negociatave fillon një proces shumë-vjetor të afrimit.
Kohëzgjatja e negociatave varet nga zbatimi i shumë reformave, por njerëzit do të shohin: ne në BE duam të bëjmë përparim.
/a.m.
