Anëtari Kryesisë së Partisë Demokratike, Indrit Hoxha, ka komentuar në emisionin “Real Story” foltoret e organizuara nga Partia Demokratike, si dhe lëvizjen e re brenda saj nën udhëheqjen e Salianjit.
Hoxha tha se në mbledhjet me dyer të mbyllura në kryesinë e PD, Salianji ka kërkuar të bëhen protesta, ndërkohë që asnjëri nuk ka kërkuar dorëheqjen e Berishës. Më tej, Hoxha shtoi se tensionet në mbledhje kanë qenë të larta të pasura me debate të forta.
“Në 2017, kur kërkuam dorëheqjen e Bashës na vendosën shumë epitete. Katër vite më vonë doli Luli i shitur. Demokratët nuk u ndanë për ideologji por me gaz lotsjellës dhe shkopinj, një akt që nuk kishte ndodhur në një parti perëndimore. Mbas 8 janarit, PD një pjesë ka ardhur si bashki me diveroitet, një pjesë ka krijuar forca të reja por prapë kemi lënë copëza të pambledhura.
Kjo kulmon me humbjen e zgjedhjeve para ca muajsh. PD duhet të dëgjojë demokratët e saj e më pas të reflektojë. Një forcë politike ka forumet, rregullat dhe organizmat e saj. Në tre mbledhjet e fundit të kryesisë askush nuk ka kërkuar as dorëheqjen e Berishës, është kërkuar midis protestave dhe analizës dhe daljes në bazë të PD. Salianji ka kërkuar të bëhen protesta siç kanë kërkuar dhe disa anëtarë.
Ka pasur dhe diskutim për të shkuar në bazë e për të dëgjuar demokratët. Debatet në kryesi për shkak të situatës në PD kanë qenë shumë më të forta, kritikat kanë qenë shumë më të forta. Prandaj partia është me dyer të mbyllura që ato debate të mbeten aty.”
“Zëri ndryshe, të respektohet”, Indrit Hoxha: PD duhet të reflektojë sa i përket debateve të brendshme
Anëtari i Kryesisë së Partisë Demokratike Indrit Hoxha, i ftuar në “Real Story” u shpreh se partia nuk e ka luksin të ketë një luftë për atashimin e eksponentëve brenda saj.
Sipas tij, mendimet e ndryshe duhet artikuluar, por brenda strukturave të partisë. Ai theksoi se edhe Ervin Salianji, pakënaqësitë duhet ti thotë në Kryesi dhe Partia Demokratike duhet t’i respektojë ato.
“Aty ka dhe figura të tjera. Nuk mendoj se nuk është çështje telash. Ne nuk e kemi luksin për të patur një atashim të eksponentëve të PD.
Unë mendoj se PD duhet të reflektojë sa i përket debateve të brendshme, duhet të dëgjojë çdo zë që ka një mendim ndryshe, prandaj quhet PD, duhet të respektojmë edhe mendimin ndryshe.
Nëse nuk e respektojmë, atëherë të ndryshojmë dhe emrin e partisë ta bëjmë nga PD në Parti Komuniste dhe s’ka nevojë që njerëzit të mendojnë.
Nëse Berisha rikandidon, unë personalisht do shkoj ta rivitoj, pavarësisht se kush mund të dalë dhe kush mund të jetë. Kritikat e mia që mund të kem, qoftë ndaj kryetarit, qoftë ndaj mënyrës së organizmit të partisë, unë dua ti them, sepse jam i zgjedhur me votë dhe njeri politikë i asaj force.
Nëse nuk i them, unë jam në pozicionin gabuar dhe duhet të iki, duhet të vijë dikush tjetër në pozicionin tim.
Çdo njeri që është në kryesi, edhe Salianji, nëse ka një mëndin ndryshe, duhet ta thotë dhe nuk duhet ta mbajë atë lloj mendimi, gabimi do ishte të mos e thoshte atë mendim”, tha ai.
