Kryebashkiaku i Vorës, Agim Kajmaku, ka vizituar në spital një të plagosur nga tërmeti i 21 shtatorit. Përmes rrjetit social Facebook, Kajmaku shkruan se është zotuar ta ndjekë rastin e djaloshit në fjalë, ndërsa shton se do të mbulojë edhe kostot.
“Askush nuk është vetëm! Djali është i dëmtuari i vetëm nga tërmeti i ditës së shtunë. Për fat të keq ka pësuar dëmtim serioze dhe familja gjendet në një situatë post traumatike nga situata e kaluar.
Unë si qytetar i Vorës dhe kryetar i Bashkisë jam zotuar të marr përsipër ndjekjen e rastit nga afër, duke i garantuar djalit shërbimin mjekësor të specializuar dhe mbulimin e të gjitha kostove financiare që nevojiten për rikuperimin e tij të plotë.
Familjes i shpreh tërë përkushtimin tim, për ta kaluar këtë situatë sa më lehtë.
Jam me ju në cdo moment. Solidariteti me të prekurit dhe të dëmtuarit nga tërmeti është primarja në të tilla raste” – shkruan Kajmaku i cili publikon edhe fotot nga vizita në spital.
/a.r
