Pas mbylljes së përkohshme të gazsjellësit Nord Stream 1 nga Rusia, Gjermania po merr masa për të plotësuar mungesat në furnizime.
Ministri i Ekonomisë, Robert Habeck, tha se askush nuk duhet të ngrijë nga I ftohti, por këshilloi gjermanët të bëhen gati për mungesa dhe reduktim të konsumit të gazit natyror.
“Askush nuk duhet të ngrijë së ftohti, por edhe familjet duhet të kontribuojnë dhe të bëjnë pjesën e tyre. Një ndërprerje e përhershme ose afatgjatë e prodhimit industrial ka gjithashtu pasoja masive për ekonominë në tërësi, për njerëzit në vend, për situatën e furnizimit. Mendoj se kjo dihet tashmë.
Është e rëndësishme që ne t’i mbajmë të hapura tregjet e gazit dhe të kemi furnizim të mjaftueshme në Europë. Për momentin ende varemi në gazin natyror. Nëse do të kishim nisur 10 vite më parë, pra të vepronim siç bëmë në javët e kaluara, ne mund të reduktonim ndjeshëm varësinë.
Por ne nuk e bëmë. Tani jemi në garë me kohën për të marrë sasi gazi për të mbushur rezervat dhe shfrytëzojmë mundësit e rritjes së efiçencës dhe reduktimit të konsumit të gazit”, deklaroi ministri i Ekonomisë, Robert Habeck.
/a.r
