Partia Demokratike ka tërhequr numëruesit e saj në Tepelenë dhe si rezultat është ndërprerë procesi i numërimit për disa minuta. Menjëherë pas kësaj, komisionerët e PD janë zëvendësuar duke rinisur procesin e numërimit.
Sipas të dhënave që bëhen të ditura, nga numërimi deri në këto momente, garën për kryebashkiak e kryeson Tërmet Peçi i ASHE-së, i cili ka marrë 2655 vota ose 61.79%.
Ndërkohë rivali i tij i APPD-së Veip Çela ka marrë 956 vota ose 22.25% dhe kandidati i pavarur Dritan Memushi, ka marrë 686 vota (15.96%).
