Faza e tetë e megaoperacionit policor antikanabis të koduar “Territori i pastër” është finalizuar me asgjësimin e 685 fidanëve kanabis në fshatrat Kuçaj, Zezë dhe Verjon të Krujës. Fidanët dhe bimët e dyshuara narkotike u asgjësuan me anë të djegies, ndërsa një pjesë e vogël e tyre u sekuestrua në cilësinë e provës materiale.
53-vjeçari A.D., banues në fshatin Zezë është shpallur në kërkim nga policia pasi është autor i dyshuar i 250 fidanëve kanabis që u gjetën të kultivuara në afërsi të banesës së tij.
Në bashkëpunim me Prokurorinë, vijojnë veprimet hetimore për identifikimin dhe kapjen e autorit/ëve të tjerë të kësaj veprimtarie kriminale.
Megaoperacioni policor antikanabis i koduar “Territor i pastër”, vijon.
Materialet procedurale i kaluan Prokurorisë për veprime të mëtejshme, për veprën penale “Kultivimi i bimëve narkotike”.
/a.r
