Dy shtetas u asfiksuan duke hapur një pus uji, ku njëri prej tyre humbi jetën. Ditën e sotme, rreth orës 13:00, në Spitalin Kirurgjik shkuan të asfiksuar shtetasit Ardian Sinani, rreth 25 vjeç dhe Isa Bardhi, rreth 50 vjeç, të dy banues në fshatin Samurrë, komuna Labinot, Fushë-Elbasan
25-vjeçari Ardian Sinani nuk arriti të mbijetonte, duke ndërruar jetë menjëherë pasi mbërriti në spital, ndërkohë që 50-vjeçari Isa Bardhi po merr mjekimin e duhur.
Dy shtetasit u asfiksuan duke punuar për ndërtimin e një pusi uji, në fshatin Samurrë. Nga veprimet e para hetimore, ngjarja dyshohet se ka qenë aksidentale.
