Marco Asensio nuk ka kaluar një sezon të mirë me Real Madridin. Spanjolli i ri ishte lojtari më i përfolur i La Ligës dy vite më parë, por kohët e fundit emri i tij duket se është harruar.
Megjithatë, ai ka akoma besimin e Zinedine Zidane dhe është shfaqur në formë të shkëlqyer në fazën parasezonale.
Sipas Marca-s, Asensio është paraqitur më mirë se gjithë lojtarët e tjerë në testet fizike të zhvilluara nga stafi teknik.
Asesnio ishte fituesi i qartë i testeve, duke befasuar përgatitësit atletikë. Një lajm i mirë për trajnerin Zidane, i cili pret shumë nga spanjolli.
