Dita e parë e takimit të kryeministrit Rama me ministrat e kabinetit të tij, të zhvilluar në qytetin e Vlorës, ka rezultuar me dy përfundime të rëndësishme, caktimin e datës së Asamblesë socialiste dhe konfirmimin e kandidatit për kryebashkiak të Tiranës në zgjedhjet e ardhshme lokale.
Në këtë ditë të dytë të takimit, Rama ka bërë analizën parazgjedhore për Lokalet 2019.
Në përfundim të punimeve, kur janë larguar ministrat, në takim kanë mbetur Gramoz Ruçi, Taulant Balla, Bledi Çuçi dhe Erion Veliaj, duke dhënë kështu sinjalin e konfirmimit të kryetarit aktual bashkiak të kryeqytetit për një mandat të dytë.
Ndërkohë data e Asamblesë socialiste është caktuar vetëm në prani të Ruçit e Ballës, së bashku me Ramën.
ma.me
