Natën dhe gjatë muajve të mbylljes, pavarësisht nga prania e pronarëve në shtëpi, kur ata flinin, katër shqiptarë epruan sikur çdo gjë ishte normale.
Të paktën 33 vjedhje të lidhura me bandën, të kryera gjithashtu në rripin jugor
Ata vepronin kryesisht natën, madje as që u interesonte prania e pronarëve në shtëpi.
Shqiptarët thyenin grilat, dritaret dhe dyert, ose ngjiteshin në katet e sipërme, duke hyrë në apartamentet e planifikuara, ku edhe grabisnin gjithçka.
Sipas mediave italiane, banda e paskrupullt, e përbërë nga 4 shqiptarë të vendosur në zonën veriore të kryeqytetit Piemontez, midis janarit dhe korrikut të këtij viti, megjithë kufizimet e lëvizjes, kryen deri në 33 vjedhje në shtëpi të ndryshme, në zona të ndryshme të Torinos.
Policia italiane pasi i ka identifikuar, lëshoi në mëngjes edhe urdhër arresti për të katër hajdutët.
Kontrollet në shtëpitë ku ata banonin, bënë të mundur kapjen e një arme skenike, sendet e vjedhura, si dhe 400 euro kartëmonedha, pulla për një vlerë totale prej 144 euro, sende të çmuara dhe 9 orë luksoze, me një vlerë totale prej mbi 25,000 euro, 6 kuleta, bizhuteri në ar dhe argjend, orendi dhe objekte të ndryshme për një vlerë prej rreth 1,500 euro.
/a.r
