Ministrja e Shtetit për Marrëdhëniet me Parlamentin, Elisa Spiropali, foli rreth protestës së sotme të opozitës.
Sipas Spiropalit, me këto protesta qeveria rron e mbretëron për 110 vjet.
Më tej Spiropali, deklaroi nga studio e emisionit “Mbrëmje” në TV “ABC News”, se edhe ndërkombëtarët nuk i marrin seriozisht.
“Me këto protesta qeveria rron e mbretëron për 100 vjet. U zunë rrugën shqiptarëve për punë, spitale, po bllokojnë ekonominë, dhe në përgjithësi është tentativë për t’i zënë rrugën shqiptarëve dhe Shqipërisë.
Është e qartë që peshën e dështimeve që kanë në kurrizin tyre ta hedhin në shpinën e Shqiëprisë, por te jëni të sigurt që të gjithë ndërkombëtarët i kanë njohur tashmë, janë pataksur dhe janë kthyer në të pabesuseshëm për ta.
Edhe në takimet që zhvillojmë nuk përmenden më.
Askush nuk e ngre çështjen e opozitës si çështje serioze.
Nuk ka ndërmend njeri t’u hapë rrugë në zgjedhjen që ata kanë bërë për të shkuar drejt dështimit politik”,-tha Spiropali.
g.kosovari
