Vladimir Putin urdhëroi këtë të enjte trupat e tij që të mos e sulmonin fabrikën e çelikut Azovstal në Mariupol, aty ku ndodhen dhe trupat e fundit ukrainase në qytet.
Në një takim televiziv ku ndodhej i ulur përballë Ministrit të Mbrojtjes, Putin tha se kjo nuk ishte e nevojshme. Por në vend të kësaj ai kërkoi nga trupat ruse që ta bllokonin këtë zonë industriale, në një mënyrë të tillë sa as miza të mos kishte mundësi që të shpëtonte.
Putin e cilësoi “jo praktik”, një sulm në këtë zonë të madhe industriale ku besohet se ndodhen më shumë se 2,000 ushtarakë ukrainas dhe argumentoi se vendimi po merrej për të mbrojtur jetën e ushtarëve rusë.
Putin gjithashtu përshëndeti “çlirimin” e Mariupolit nga Rusia pasi ministri i Mbrojtjes Sergei Shoigu i tha atij se forcat ruse tani kontrollojnë të gjithë qytetit port, me përjashtim të uzinës.
/a.r
Ata 2000 ushtarakë janë gjeneralë të NATOS që janë bllokuar në uzinën Azovstall të Odessa.Tani do vishen si gra plaka për t’i shpëtuar arrestimit.