Elvis Demçe ëndërronte shumë dhe synonte të kontrollonte shpejt të gjitha sheshet e trafikut të drogës në kryeqytetin italian.
Kjo mund të kuptohet qartë nga përgjimet e zbardhura së fundmi në kuadër të hetimeve nga prokurori i Romës. Grupi u arrestua janarin e kaluar, por hetimet po vazhdojnë përpara gjyqit.
ADHURIMI I ESKOBARIT
“Kivi” nga Ekuadori, marrëveshjet me kupolën ushtarake marokene, marrëveshjet me “Kartelin e Gjirit” në Kolumbi, kontejnerët plot drogë që mbërrijnë në portin e Gioia Tauro, nderimi për bosin Raffaele Cutolo dhe stemat e fisnikëve të zgjedhura si foto profili për të nënvizuar përkatësinë ndaj asaj që ata vetë e përcaktojnë si “aristokraci e botës së krimit”, kështu shkruan gazeta italiane “La Republica”, në vijim të zbardhjes së përgjimeve ndaj një prej grupeve më agresive të trafikut të drogës në Itali, drejtuar nga 36-vjeçari shqiptar Elvis Demçe.
Nga transkriptimet e bisedave të zbuluara përmes një aplikacioni sekret të përdorur nga grupet kriminale në Europë, tregohet fuqia ndërkombëtare dhe synimet ekspansioniste të grupit të drejtuar nga shqiptari.
Nga përgjimet, Demçe shpreh admirim të thellë për Pablo Eskobarin, ndërsa flet edhe për marrëveshje që duhet të bëjë me trashëgimtarët e tij në Kolumbi. Demçe shkruan midis të tjerash se kolumbianët kanë “punishtet më të forta në Kolumbi, trembin për mënyrën se si ato organizohen, por ti nuk e sheh në fakt se çfarë perlash ata bëjnë”, duke shtuar se aspiron të punojë me “trashëgimtarët e Pablos”.
“Janë ata të Kartelit të Medelinit në majë të gjithçkaje. Janë ata që kontrollojnë të gjithë guerilët në pyjet e thella të Amazonës”.
Demçe thekson gjithashtu se paratë nuk mjaftojnë dhe se zgjedhja që ka bërë është zgjedhje jete.
“Gjithmonë do të më mungon te diçka, sepse njoh një kriminel brenda, edhe me 100 milionë me kostum dhe kravatë të ndaluar gjithmonë, rri brenda, nuk do të dija kurrë të jetoja dhe të mendoja si i mirë, si i krishterë”.
Gjatë bisedave, ai merr si shembull Cutolo-n, shefin e “Camorra”-s, i cili vdiq në burg për të mos bashkëpunuar me hetimin.
“Ky njeri i madh ka vdekur. Nga ‘79-ta në burg. Ai u përgjigj se jam mësuar ta shoh familjen time mes hekurave dhe portave dhe kjo është në rregull, më jep më shumë dashuri të vdes mes hekurave dhe portave me dinjitet sesa mes luksit dhe turpit”.
HERMANI DHE NGARKESA E DROGËS
Gjatë mesazheve në rrjetin sekret, vetë 36-vjeçari tregon fuqinë që organizata ka në rrjetin ndërkombëtar të trafikut dhe se sasi të mëdha të drogës kalojnë pa pengesa nga Maroku drejt brigjeve kalabreze në Itali.
Ajo që mbërrin në celularin e Demçes është sinjalizimi i “hermanos”, një emër nga Maroku, i cili do të lejojë që ngarkesa të vazhdojë udhëtimin pasi të ketë kaluar oqeanin.
“Do të shpjegoj pak për t’ju dhënë një llogari për nivelin e këtij operacioni. -shkruan ai. – Ky operacion është i kontrolluar dhe i autorizuar nga kupola ushtarake. Tashmë drejtori i portit dhe transitorit janë thirrur për të marrë urdhra për trajtimin e kontejnerëve që shkojnë në Gioia Tauro (Nuk do të kontrollohen)”.
g.kosovari
