Lakuriqësia është mbuluar vetëm me një ferexhe. Trupi i një femre që nënkuptohet të jetë e besimit islam paraqitet thuajse krejtësisht nudo. Prapa shpinës shihet një armë. Vizatimi provokues i artistes Meri File për herë të parë u pa në një ekspozitë të hapur në Muzeun Historik Kombëtar në Tiranë. Pas ekspozimit të kësaj vepre, nëpër media shqiptare, File u cilësua kontroverse, ironike e provokuese, shkruan “Koha Ditore”. Vepra bardhezi e titulluar “Katarsis” shkon përtej një provokimi të thjeshtë artistik. File që në shumicën e veprave të saj paraqet trupin nudo të femrës, mëton të trazojë botën e brendshme të femrës shqiptare për të cilën artistja konsideron se ka përballë disa ferexhe.
Artistja që provokoi me “luftëtaren ISIS”
